Englishმოხარული ვართ, გაგიზიაროთ სიახლე- დირექციის ინიციატივით, ჩვენს სასკოლო სივრცეში ფუნქციონირებას იწყებს მშობელთა კლუბი.
ეს არის მშობელთა გაერთიანება, რომელიც მიზნად ისახავს მშობელთა ჩართულობის გაზრდასა და პედაგოგთა მხარდაჭერას.
ჩვენი საერთო ძალისხმევა მიმართული იქნება სასკოლო გამოწვევების ერთობლივად დაძლევისაკენ.
კლუბის მთავარი დევიზია „მშობლები მშობლებისთვის“, რაც გულისხმობს ერთმანეთისთვის გამოცდილების ურთიერთგაზიარებას.
ეს პლატფორმა დაგვეხმარება შვილებთან ურთიერთობის ეფექტური ინსტრუმენტების უკეთ დაუფლებაში.
დღევანდელ სწრაფად ცვალებად სამყაროში მშობლები არაერთი საინტერესო და საპასუხისმგებლო ამოცანის წინაშე დგანან.
ყოველდღიური ეკონომიკური და დროითი ფაქტორები, მზარდი ციფრული გარემო და სოციალური ურთიერთობების სიმცირე ხშირად მოითხოვს ჩვენგან მეტ ენერგიას.
სწორედ ამ მოცემულობის საპასუხოდ, ჩვენი კლუბი ხდება ის მეგობრული გარემო, სადაც საერთო ძალისხმევით ვიზრუნებთ ჩვენს შვილებზე.
ჩვენი მიზანია ბავშვებისთვის ნდობისა და უსაფრთხოების განცდის კიდევ უფრო განმტკიცება.
კვლევები ადასტურებს, რომ მშობლის პოზიტიური ჩართულობა მოსწავლის აკადემიურ წინსვლას საშუალოდ 4 თვით აუმჯობესებს წლიურად.
სკოლისა და ოჯახის მჭიდრო პარტნიორობა ეხმარება მოზარდებს ჯანსაღი ცხოვრების წესის შენარჩუნებაში.
ერთიანი ძალებით ჩვენ შევძლებთ დავიცვათ ისინი არაჯანსაღი ქცევებისა და მავნე ჩვევების გავლენისგან.
ჩვენი უმთავრესი მისიაა, რომ თითოეული ბავშვის პოტენციალი რეალობად ვაქციოთ.
კლუბის ფარგლებში მშობლებს ვთავაზობთ მრავალფეროვან და საინტერესო აქტივობებს.
დაგეგმილია თემატური ვორქშოფები ფსიქოლოგიასა და კიბერუსაფრთხოების საკითხებზე.
დაინერგება მიკრო-სწავლების ფორმატი — „ერთი რჩევა მშობლისგან მშობელს“.
განხორციელდება სათემო ინტეგრაციის პროექტები, მათ შორის მშობელთა კვირეულის მოწყობა.
ეს ინიციატივები დაგვეხმარება ყოველდღიური დატვირთვის შემსუბუქებასა და ბავშვის ემოციური კეთილდღეობის გაუმჯობესებაში.
ჩვენი კლუბის მუშაობა ეფუძნება ისეთ ღირებულებებს, როგორიცაა თანამშრომლობა და ერთგულება.
მრავალფეროვნება, პატივისცემა და პასუხისმგებლობა ჩვენი საქმიანობის მთავარი ქვაკუთხედია.
გვჯერა, რომ ყველა მშობლის აზრი მნიშვნელოვანია და თითოეული ოჯახის უნიკალური წვლილი გაამდიდრებს ჩვენს სასკოლო თემს.
ერთად ჩვენ შევძლებთ აღვზარდოთ ბედნიერი, თავდაჯერებული და ქმედითუნარიანი მომავალი თაობა.
24 აპრილს, „ფულის გლობალური კვირეულის“ (#GMW2026) ფარგლებში, ჩვენი სკოლის Vl-დ კლასის (დამრიგებელი თამარ ასათიანი, Tamar Asatiani) მოსწავლეებს “ფინედუს” დესპანმა სახალისო და შემეცნებითი გაკვეთილი ჩაუტარა.
შეხვედრას უძღვებოდა ქალბატონი ფიქრია ბარდაველიძე.
გაკვეთილის მთავარი მიზანი იყო, ბავშვებს გამოემუშავებინათ ფულის მართვის ნამდვილი „სუპერძალა“ და გამხდარიყვნენ ფინანსური თაღლითობის „დეტექტივები“.
მოსწავლეებმა გაიგეს:
რატომ არის მნიშვნელოვანი ფულზე საუბარი და გამოცდილების გაზიარება;
როგორ მიიღონ ჭკვიანური ყოველდღიური ფინანსური გადაწყვეტილებები;
როგორ განასხვაონ ერთმანეთისგან „მინდა“ და „მჭირდება“ (სურვილი vs საჭიროება);
სად ჯობია დანაზოგის შენახვა — ყულაბაში თუ ბანკში?
რა როლი აქვს ქვეყნის მთავარ ბანკს — საქართველოს ეროვნულ ბანკს;
და რაც მთავარია — როგორ დაიცვან ფინანსური უსაფრთხოება, არავის გაუზიარონ ბარათის მონაცემები და პაროლები.
შეხვედრის ბოლოს გაიმართა ინტერაქციული თამაში „ბინგო“, რომელიც ნასწავლი ტერმინების განმტკიცებას მიეძღვნა.
შეხვედრის დასასრულს, ყველა ბავშვს გადაეცა სიმბოლური საჩუქრები – კომიქსების წიგნები ფინანსური განათლების შესახებ, რაც მათ კიდევ უფრო მეტად დაეხმარება ამ მნიშვნელოვანი საკითხების ათვისებაში.
