ღონისძიებები

ქალაქის მასშტაბით ჩატარებულ შეჯიბრებაში I ადგილი დაიკავა ჩვენი სკოლის “რა? სად? როდის?“ ინტელექტუალურმა გუნდმა:

12  მაისს გაიმართა ქალაქ ქუთაისის მუნიციპალიტეტის მერიის მიერ ორგანიზებული ინტელექტუალური თამაშის „რა? სად? როდის?“ რიგით XVI ფესტივალი, რომელშიც მონაწილეობას იღებდნენ ქალაქ ქუთაისის სკოლები. სულ მონაწილეობდა 24 სკოლა. სსიპ ქ. ქუთაისის N30 საჯარო სკოლა კი ორი გუნდით იყო წარმოდგენილი.

რეზო ჩახუნაშვილი (კაპიტანი); შოთა კინწურაშვილი; გივი ლომიძე; ანრი დვალიშვილი; გიორგი კაპეტივაძე; ანრი აფრიდონიძე.

ინტელექტუალურ თამაშში „ბრეინ რინგი“ ჩვენი სკოლა ასევე ორი გუნდით იყო წარმოდგენილი. მეორე ადგილი დაიკავეს:

რეზო ჩახუნაშვილმა (კაპიტანი); შოთა კინწურაშვილმა; გივი ლომიძემ; ანრი დვალიშვილმა; გიორგი კაპეტივაძემ; ანრი აფრიდონიძემ.

ამავე თამაშში მესამე ადგილზე გავიდნენ:

ვალერიო ხეცაშვილი (კაპიტანი); ქეთი ბენიძე; ელენე აბრამიძე; ელენე გლოველი; მარიამ ჩახუნაშვილი; მარიამ ჭაბუკიანი.

ინტელექტუალურ თამაშში „ჯეპარდი“ I და III ადგილი დაიკავეს სსიპ ქალაქ ქუთაისის N30 საჯარო სკოლის მოსწავლეებმა: I ადგილი- რეზო ჩახუნაშვილი, III ადგილი- გიორგი კაპეტივაძე.

ქალაქ ქუთაისის მუნიციპალიტეტის მერიამ დააჯილდოვა გამარჯვებული გუნდები და ინდივიდუალური მოთამაშეები.

სსიპ ქალაქ ქუთაისის N30 საჯარო სკოლა განსაკუთრებულ მადლობას უხდის ქალაქის მერიას ინტელექტუალური თამაშების მოწყობისა და მოსწავლეების წახალისებისათვის!

20 მაისს სსიპ ქ. ქუთაისის 30-ე საჯარო სკოლაში ჩატარდა დიმიტრი ნაზარიშვილის სახელობის სახლ-მუზეუმის პედაგოგ ქალბატონ ლელა მახარაძის მიერ პრაქტიკული ,შემეცნებითი და შემოქმედებითი გაკვეთილი სკოლის ეზოს სივრცეში 7/1 და 7/2 კლასის მოსწავლეებთან. გაკვეთილის იდეა სიმბოლურად მიეძღვნა მუზეუმების დღეს.

შეხვედრის მიზანი იყო მუზეუმსა და ჩვენს სკოლას შორის არსებული ტრადიციული თანამშრომლობის ყოველწლიური გაგრძელება. აღნიშნული გაკვეთილის ფარგლებში შეირჩა სამი თემატიკის სამუშაო სივრცე და მის მიხედვით გადანაწილდნენ მოსწავლეები, კერძოდ: თიხის ქოთნების მოხატვა ეროვნული მოტივებით, მოზაიკური ტიპის ნამუშევრების დამზადება ქართული ანბანის გამოყენებით და შულავერის კულტურის დასახლების ტიპების შექმნა თიხისგან.

კეთებით სწავლის ,შემოქმედებითი უნარების გამოვლენის და ისტორია-არქეოლოგიის კავშირების დანახვის კიდევ ერთი საინტერესო აქტივობის მაგალითი აღმოჩნდა მოსწავლეებისთვის პრაქტიკული გაკვეთილი,რომელმაც სახალისოდ ,პროდუქტიულად და საინტერესოდ ჩაიარა. მადლობას ვუხდით დიმიტრი ნაზარიშვილის მუზეუმს 30-ე სკოლასთან თანამშრომლობისთვის და ქალბატონ ლელას გაწეული შრომისთვის.

ხელმძღვანელები : ისტორია-მოქალაქეობის პედაგოგები – თამარი კვარაკვახიძე და სოფიო კლდიაშვილი .