2025 წლის 26 სექტემბერს სსიპ ქალაქ ქუთაისის #30 საჯარო სკოლაში „ენების ევროპული დღის“ ოცდამეხუთე წლისთავი აღინიშნა. ეს არის ევროპის მდიდარი ლინგვისტური და კულტურული მრავალფეროვნების ზეიმი, რომლის მიზანია ევროპის საბჭოს 47 წევრ ქვეყანაში მცხოვრები რვაასი მილიონი ადამიანის წახალისება- ისწავლონ უფრო მეტი ენა ნებისმიერ ასაკში სკოლასა თუ მის ფარგლებს გარეთ.
ეს დღე უკვე მეათედ აღინიშნა ჩვენი სკოლის უცხოური ენების კათედრის და ფრანგული ენის მასწავლებლის, ქეთევან ხვედელიძის, ორგანიზატორობით უცხო ენების სხვა მასწავლებლებთან ერთად.
ღონისძიება სახელწოდებით ,,ენების ევროპული დღე ჩემს სკოლაში’’ მიზნად ისახავდა ევროპის მდიდარი ენობრივი და კულტურული მრავალფეროვნების პოპულარიზაციას.
პროექტში მონაწილე მოსწავლეებს მიეცათ შესაძლებლობა უკეთ გაცნობოდნენ ევროპაში მცხოვრები სხვადასხვა ეროვნების წამომადგენლების კულტურულ თუ ენობრივ თავისებურებებს.
მოსწავლეებმა მონაწილეობა მიიღეს ნახატების გამოფენაში, თემაზე- ,,ევროპულ ენებს ფერი რომ ჰქონოდა…“; შეიქმნა საინტერესო პოსტერები- ,, ენები გულისა და გონების გასაღებია’’;
X-პირველი კლასის მოსწავლეებმა ენების ევროპული დღის აღნიშვნასთან დაკავშირებით ჩაწერეს საინტერესო ვიდეო რგოლი თემაზე: ,, გილოცავთ ენების ევროპული დღის 25 წელს’’ -სხვადასხვა ევროპულ ენაზე.
მოსწავლეებმა მონაწილეობა მიიღეს ვიქტორინაში -,,ევროპა’’. ჟიურის მიერ გამოვლინდა გამარჯვებული გუნდი. ღონისძიებაზე შესრულდა უცხოენოვანი სიმღერა და ცეკვა. მონაწილეებმა კიდევ ერთი ლამაზი ფურცელი ჩაწერეს ჩვენი სკოლის ისტორიაში.
ქართულად