ქალბატონი ნათია მსხალაძე – „კამპუს ფრანსის“ ხელმძღვანელი;
ქალბატონი ლიზა ბარიე – საფრანგეთის საელჩოს საუნივერსიტეტო და სამეცნიერო თანამშრომლობის ატაშე;
ქალბატონი სარა გამბარდელა – ფრანგული ინსტიტუტისა და საფრანგეთის საელჩოს სტაჟიორი.
ვიზიტის ფარგლებში გაიმართა საინფორმაციო შეხვედრა მე-9, მე-10 და მე-11 კლასის მოსწავლეებთან. შეხვედრის მთავარი თემა იყო საფრანგეთში სწავლის შესაძლებლობები. საუბარი შეეხო გაცვლით პროგრამებს და, რაც მთავარია, სწავლის გასაგრძელებლად დაფინანსების მოპოვების გზებსა და რესურსებს.
სკოლის დირექტორთან, ბატონ მიხეილ გიორგაძესთან გამართულ შეხვედრაზე მხარეებმა განიხილეს თანამშრომლობის გაღრმავების კონკრეტული გზები და სამომავლო გეგმები.
განსაკუთრებული აქცენტი გაკეთდა ფრანგულ სკოლებთან პარტნიორული ურთიერთობების დამყარებასა და განვითარებაზე. ეს ვიზიტი უმნიშვნელოვანესია ჩვენი სკოლისთვის, რადგან ის კიდევ უფრო მეტად უხსნის კარს ჩვენს მოსწავლეებს საერთაშორისო განათლების მიღებისკენ!
“შემოდგომის ფესტივალი 2025” ჩვენს სკოლაში!
სსიპ ქ. ქუთაისის N30 საჯარო სკოლაში 18 ნოემბერს ტრადიციულად მოეწყო “შემოდგომის ფესტივალი 2025”. ღონისძიება მიზნად ისახავდა სასკოლო ცხოვრების გამდიდრებას და მოსწავლეთა შემოქმედებითი პოტენციალის წარმოჩენას.
ხელოვნების კლუბ “არტ-ისტის” მონაწილეობით მოსწავლეებმა შექმნეს სხვადასხვა თემატური დეკორაცია და შესაბამისად მოაწყვეს სკოლის სივრცე.
პირველ სართულზე გაიმართა ხელოვან მშობელთა ნამუშევრების გამოფენა. მშობლებმა მოსწავლეებს გაუზიარეს თავიანთი შემოქმედებითი გამოცდილება.
პარალელურად, წარმოდგენილი იყო ხელოვნების კლუბის მონაწილე მოსწავლეების ფერწერული და თიხაზე შესრულებული ნამუშევრების გამოფენა. სტუმრებს აქვე შეეძლოთ სახეზე მოხატვის აქტივობაში ჩართვა.
დღის ნაწილს წარმოადგენდა მუსიკალური აქტივობა „ფოთოლცვენა”. მოსწავლეთა და მასწავლებელთა ერთობლივი ჩართულობით შესრულდა რამდენიმე სიმღერა. მუსიკალურ ნომერს ხელმძღვანელობდა პედაგოგი თეა გამეზარდაშვილი.
დღის მეორე ნახევარში, სააქტო დარბაზში, დაწყებითი საფეხურის მოსწავლეებისთვის გაიმართა თოჯინების თეატრი „ფოთლების დიდი აყალმაყალი 2025“. თოჯინები და დეკორაცია დამზადდა მოსწავლეებისა და მასწავლებლების ერთობლივი ძალისხმევით. თეატრს ხელმძღვანელობდა პედაგოგი სალომე ორმოცაძე.
საშემოდგომო ღონისძიების ორგანიზება უზრუნველყვეს ხელოვნების პედაგოგებმა: სოფო-მაია ცერცვაძემ და ქრისტინე სირაძემ. დღემ საინტერესოდ და მხიარულად ჩაიარა, რაც კიდევ ერთხელ უსვამს ხაზს სასკოლო საზოგადოების ერთიანობას.
English
